Gawn ni mewnosod fideos S4C ar ein blogiau/gwefannau?

Gawn ni mewnosod fideos S4C ar ein blogiau/gwefannau?

Fideos fel Y Sioe (rhyddha’r gwartheg duon!) a cariad@iaith.

Mae’n bosib. Roedd rhaid i mi edrych at y cod a thynnu darn mas.

Ond dyw e ddim yn hawdd iawn fel ag y mae ar YouTube/Vimeo ac ati – sdim angen hacio yna.

Bydd mwy o help gyda mewnosod yn codi y nifer o gyfranogwyr, y nifer o wylwyr a’r sgwrs o gwmpas y sioeau ac yn gyrru pobol i wefan Y Sioe, cariad@iaith ac yn y blaen.

Yn fy marn i, mae’n rhan bwysig o’r ystyr ‘amlblatfform’/S4C newydd. Bwyda ni gyda chodau fideos o.g.y.dd!

2 Ateb i "Gawn ni mewnosod fideos S4C ar ein blogiau/gwefannau?"

  1. Sylwais ddoe bod Sgorio yn cadw hen uchafbwyntiau pel-droed ar eu gwefan.

    Ar hyn o bryd, mae modd edrych ar rai o Awst 2010 hyd yma, drwy clicio ar fathodyn pob clwb er mwyn gweld uchafbwyntiau gemau’r clwb hynny.

    Heddiw, ar golwg360, sylwais bod nhw’n cyhoeddi crynhodeb o holl gemau Uwchgynhrair Cymru y penwythnos ar ddydd Llun, gan gynnwys fideos uchafbwyntiau Sgorio wedi eu mewnosod. Dw i’n cymryd bod nhw wedi derbyn caniatad. Enghraifft arddechog o brif ddarparwyr cyfryngau Cymraeg yn ailddefnydio cynnwys eu gilydd.

    (Hefyd, dyma ddefnydd answyddogol (falle) o uchafbwyntiau Sgorio. Os rhywbeth mae hwn yn un mor bwysig gan bod gwasanaeth uniaith Saesneg,a gwirfoddol, yn gweld gwrth yng nghynnyrch S4C)

  2. Dw i’n cymryd bod problemau hawliau gyda fideos – beth, pryd a sut mae pobol yn gallu eu defnyddio. Ond dylwn i ofyn rhywun sy’n gwybod.

Mae'r sylwadau wedi cau.