{"id":3633,"date":"2016-07-12T17:00:29","date_gmt":"2016-07-12T16:00:29","guid":{"rendered":"https:\/\/morris.cymru\/?p=3633"},"modified":"2023-07-09T21:43:23","modified_gmt":"2023-07-09T20:43:23","slug":"gwerthuso-prosiect-y-bydysawd-a-sylwadau-agored","status":"publish","type":"post","link":"https:\/\/morris.cymru\/cy\/2016\/07\/gwerthuso-prosiect-y-bydysawd-a-sylwadau-agored\/","title":{"rendered":"Gwerthuso prosiect Y Bydysawd a sylwadau agored"},"content":{"rendered":"

Dyma nodyn bach sydyn i ddatgan bod fy mhrosiect Y Bydysawd wedi dod i ben. Dw i heb wneud unrhyw beth arno fe ers sbel a dweud y gwir. Ond mae eisiau gwerthuso’r peth.<\/p>\n

Beth oedd gwefan Y Bydysawd? Ymdrech i sbarduno a chynnal trafodaeth am faterion cyhoeddus, gwleidyddiaeth, chwaraeon, a phob math o bwnc – ar y we agored drwy gyfrwng y Gymraeg oedd hi.<\/p>\n

Yn anffodus dw i ddim gyda’r adnoddau i gynnal yr hen wefan fel archif fy hun ond mae cipddarlun yma, diolch i archive.org<\/a>. (Dyw’r sylwadau ddim yna ond gofynnwch i mi os ydych chi eisiau copi o’r data.)<\/p>\n

\"y-bydysawd-llun\"Drwy’r dydd, drwy’r wythnos, roedd y wefan yn tynnu crynodebau o erthyglau newydd yn Gymraeg o ffynhonellau yn awtomatig (yn bennaf drwy RSS) fel Newyddion BBC Cymru yn yr oes cyn Cymru Fyw, Golwg360, ambell i beth arbennig (drwy Delicious), rhaglennu S4C Clic, ac ati.<\/p>\n

Wedyn roedd pobl yn gadael sylwadau (drwy Disqus) a chynnal trafodaethau am yr eitemau. Bob tro roedd angen clicio’r eitem i weld yr erthygl\/cynnwys\/rhaglen ar y wefan wreiddiol.<\/p>\n

Roedd Y Bydysawd yn gyfrifol am roi rhagor o draffig i wefannau Cymraeg ac mae eisiau meddwl sut rydyn ni’n gwneud hynny yn well heddiw.<\/p>\n

Cyfeiriad neu efallai teyrnged i fenter newyddion aflwyddiannus Y Byd oedd yr enw!<\/p>\n

Fel is-brawf o dan yr enw Skdadl\u00a0lanlwythais i’r destun\u00a0o erthygl barn i gylchgrawn Golwg gan Angharad Mair<\/a>, roedd hynny yn hwyl ac yn weddol ddiddorol fel sgwrs.<\/p>\n

Dyma holl brofion a gwersi y\u00a0prosiect ar fy mlog.<\/a><\/p>\n

Ar un adeg roedd Y Bydysawd yn cynnig sylwadau fel nodwedd i lenwi’r gwagle pan doedd dim modd gwneud hynny\u00a0ar wefannau eraill megis Newyddion BBC Cymru a Golwg360.<\/p>\n

Ces i e-bost cwrtais maes o law wrth olygydd Golwg360 (Owain Schiavone) i ofyn i mi dynnu’r ffrwd i’w wefan. O’n i’n hapus i wneud hynny ac o’n i’n hapusach pan wnaethon nhw ychwanegu sylwadau ac wedyn Disqus i’w wefan – iei! Dw i’n meddwl bod y sylwadau ar Golwg360 wedi gwella ers ychwanegu Disqus – oherwydd y proffilau a ‘pherchnogaeth’ dros sylwadau. Cyn hynny roedd modd gadael sylwadau wrth ‘yrru heibio’. Dw i ddim yn honni fy mod i wedi cael unrhyw effaith ar strategaeth Golwg360 – ond dyna oedd yr hanes.<\/p>\n

Does dim modd gadael sylwadau ar eitemau BBC Cymru Fyw o hyd.<\/p>\n

Ond i fod yn deg, er bod cynnig sylwadau yn Gymraeg ar y we agored yn digon hawdd mae llwyddo i gynnal unrhyw drafodaeth yn dipyn o gelfyddyd ddyrys. Does bron neb o’r cyhoeddwyr, sefydliadol neu wirfoddol, wedi llwyddo i gynnal trafodaethau\u00a0da er bod rhai wedi ceisio. Meddwl ydw i am Fideo Wyth<\/a>, blogwyr Hacio’r Iaith<\/a>, blogwyr gwleidyddol yn Gymraeg, ac ati.<\/p>\n

Dyma ffactorau posibl:<\/p>\n