{"id":3549,"date":"2016-02-29T18:30:40","date_gmt":"2016-02-29T18:30:40","guid":{"rendered":"https:\/\/morris.cymru\/?p=3549"},"modified":"2023-07-09T21:43:25","modified_gmt":"2023-07-09T20:43:25","slug":"s4c-syniadau","status":"publish","type":"post","link":"https:\/\/morris.cymru\/cy\/2016\/02\/s4c-syniadau\/","title":{"rendered":"Denu mwy o wylwyr i S4C (Beth yw ‘USP’ yn Gymraeg?)"},"content":{"rendered":"

<\/p>\n

Dechreuais i wylio S4C yn y flwyddyn 2007. O’n i’n ymwybodol o’i fodolaeth cyn hynny ond doedd neb wedi s\u00f4n wrthaf i am unrhyw raglen benodol o ddiddordeb. Gallwn i wedi enwi Pobol Y Cwm wrth gwrs ond bron dim rhaglen arall.<\/p>\n

Gofynodd ffrind os oeddwn i’n ymwybodol bod\u00a0band yn chwarae\u00a0ar raglen Bandit ar y pryd ac y dylwn i diwnio mewn. Felly dyna beth wnes i.<\/p>\n

Yn y flwyddyn honno ac yn gynyddol iawn wedyn o’n i’n diolchgar iawn am gael sianel uniaith Gymraeg. Dw i’n cofio darllen\u00a0is-deitlau ar y pryd hefyd – yn Gymraeg.<\/p>\n

Byddai hi’n WYCH\u00a0pe tasai mwy o bobl yng Nghymru yn dechrau\u00a0mwynhau rhaglenni S4C.<\/p>\n

Dw i’n eithaf si\u0175r y byddai’r rhan fwyaf o bobl sy’n cwyno am is-deitlau gorfodol yn Saesneg ar S4C yr wythnos hon dal eisiau gweld MWY o wylwyr i’r sianel.<\/p>\n

Mae sawl ffordd o wynebu’r her. Mae’r Gymraeg yn perthyn i bawb yng Nghymru;\u00a0dylai’r sianel\u00a0fod\u00a0yn perthyn i bawb yng Nghymru – heb dorri’r\u00a0egwyddor bwysig<\/a> yn y ddeddf wreiddiol o gael gofod cyfrwng Cymraeg. (Gweler hefyd: Radio Cymru, \u2019Steddfod, Pantycelyn<\/a>, ysgolion)<\/p>\n

Mae’r is-deitlau gorfodol YN ymyrryd ar y profiad o wylio rhaglen teledu, teimlad\u00a0a ddaeth i’r amlwg pan oedd \u2019na is-deitlau Saesneg gorfodol ar raglen Super Furry Animals y llynedd<\/a>.<\/p>\n

Dyma gyfres o feddyliau a syniadau am yr her o denu mwy o wylwyr.<\/p>\n

    \n
  1. \n
      \n
    1. Ar ba ymchwil marchnad mae’r penderfyniad o\u00a0orfodi is-deitlau ar bob gwyliwr yn seiliedig? Ble mae’r ddata? Ydy’r syniad yn dod yn syth o’r hafaliadau di-sail “Cymraeg = cae\u00ebdig\/mewnblyg” ac “is-deitlau gorfodol yn Saesneg = croesawgar”? Y newyddion yw, mae modd bod yn groesawgar, yn gyfeillgar ac yn Gymraeg ar yr un pryd. O safbwynt marchnata mae’r Seisnigo graddol\u00a0yn tanseilio ‘USP’ y sianel, dyna’r pryder yn yr hir dymor. Mae eisiau seilio penderfyniadau o’r fath ar DDATA: ymchwil marchnad cynhwysfawr.<\/li>\n
    2. Nid data oedd fy\u00a0stori uchod ond profiad unigolyn ac mae pob profiad yn wahanol. Ond mae \u2019na rhywbeth yn y syniad o hyrwyddo rhaglen benodol i gr\u0175p\/cymuned yn hytrach na jyst hyrwyddo’r sianel.\u00a0Un rhaglen yw’r ‘gateway drug’ i’r sianel. Yn fy achos i, Bandit oedd y rhaglen gyntaf.<\/li>\n<\/ol>\n<\/li>\n<\/ol>\n